Katto katne ki jingtip shaphang ka Assam Mission.

1. Jaka trei :
(a) Tnatbalang Langkona : Langkona – Burahara, Chhaygaon
(b) Tnatbalang Borgaon : Borgaon – Dudhnoi, Hekra

2. Jingiaseng :
(a) Langkona: Sunday(Jingiaseng Khynnah-7am, Bible class-10am, Jingiaseng Kynthei-12Noon, Jingiaseng Samla-4pm), Monday (jingiaseng duwai-5:30pm), Wednesday (miet Balang-5:30pm), Saturday (jingiaseng iing 5:30pm – pud taiew)
(b) Borgaon : Sunday(Jingiaseng Khynnah-7:30am, Bible class/Jingkren-9:30am), Monday (jingiaseng duwai-5:30pm), Wednesday (miet Balang-5:30pm), Saturday (jingiaseng iing-5:30pm) hateng hateng.
(c) Dudhnoi : Sunday(Jingiasyllok-10am), Wednesday (Jingiasyllok-5:30pm), Friday (jingiasyllok-5:30pm)
(d) Chhaygaon : Sunday ( Jingiaseng Khynnah-7:30am, Jinghikai/Bible class-10am), Monday (jingiaseng duwai-5:30pm), Wednesday (jingiasyllok-5:30pm), (Jingiaseng iing-teng teng)
(e) Hekra : Thursday ( Jingiasyllok-5:30pm).
(f) Burahara : Sunday (Jingiaseng Khynnah-7am, Bible class/Jingkren -10am) , Monday (jingiaseng duwai-5:30pm), Wednesday (jingiaseng duwai-5:30pm), Saturday (jingiaseng iing – pud taiew) (N.B. Sunday 1pm –leit lang sha Langkona).

3. Kiwei ki jingiaseng : Nalor kitei, ki don kiwei kiwei ki jingiaseng kyrpang, kynthup jingiaseng revival.

4. Jingpyndep ia ki sacrament : 2 jaka – Ha Tnatbalang Langkona bad Tnatbalang Borgaon.

5. Rukom jingtrei : Jingialap paitbah kham duna, kham bun jingialap marmet, jingduwai pang(healing service),jingiarap lyngba ki capacity building programme ia ki khynnah bad samla kum ka coaching class etc ka seisoh bha ha Borgaon.

6. Ki programme ban dang pynlong :Ki jingiaseng revival, healing service, leadership programme.

7. Ki jingeh :
(a) Ka jingkhanglad ia ki briew ban wan long Khristan. Ki shah tait ha ka imlang sahlang bad kim lah ban iashim bynta ha ki kam shnong-kum ka iap ka im, khawai dawai.
(b) Ka jingduk : Namar ka ki briew ki duk, ki noh sha kat kaba ki ioh jingiarap. Ki hap mih na shnong bad trei sha nongwei, kaba pynjngai ia ki na la iing bad ruh na ka Balang. Ka Balang pat ruh la ka sngewthuh ba ka donkam ban iarap ei ei ia ki, pynban ka hap thew bha ruh ba kin ym sngewthuh bakla ba ka khroh ia ki ban wan long Khristan da ka pisa.

8. Ka G P E School :
(a) Lada don kawei ka jingtrei kaba kham sei soh ha ka Assam Mission dei lyngba ka GPES. Ka jingkiew jong ka ka la long phenomenal wat hapdeng ka infrastructure ka bym biang.
(b) Jingdon ki nongpule ha kaba sdang u 2020 kan long: 730 ngut kata khlem khein shuh ia kiba ialeh SSLC ha u 2020.
(c) Ka jingtei ia ka iing skul bathymmai ka iaid shaphrang wat hapdeng ka jingkhim ka fund. la pyndep ia ka jingker kamra baroh. Mynta yn sdang ia ka plastering. Ia ki grill jingkhangiit la dep pyndait. Jinglut haduh mynta ka long ` 1.19 Crores.
(d) Hadien bun snem ba donkam Vice Principal, sngewnguh ia U Blei ba iwei i khun samla na ka Balang i la leit ban shimti ia ka kam hadien ba la thung ia i mynta u snem.
[Ia kiwei ki jingtip shaphang ka skul don lut ha report Balang].

9. Ki mat jingduwai kyrpang :
(a) Jingtlot khamtam ki parabangeit kiba la kham slem ha ka Balang.
(b) Ki jingiaseng kyrpang haneng.
(c) Ki nongpyrshang ha baroh ki 6 centre.
(d) Ka jingplie ia kiwei ki centre.
(e) Ka jingnang mih kham bun ki nongialam.

(Next issue : Yn ai ia ka jingtip shaphang ki missionary)