Sa shisien pat ka snem kaba thymmai. Sa shisien pat ruh ki jingkut jingmut bad ki  jingkhmih lynti kiba thymmai.

To ngin ia phai aiu ka Ktien U Blei ka don ban ong ei ei ha kaba kum kane ka por.

‘da kaba klet noh ïa kita kiei kiei kiba shadien bad da kaba kner noh sha kiei kiei kiba sha khmat, nga beh sha pyrshah ka dak’…Phil 3:13-14.

Ha ka jingshisha lada ngin pule Phil 3:13 – 4:1,  u Paul u ai ha ngi, katto katne ki jingpyrkhat shaphang u snem uba thymmai.

A. Kaba la dep bad ieh shadien :

(a) Kaba iehnoh, ïa –

Ki jingshahjop, ki jingmong, ki pop, ki jingduh mynsiem, ki jingsngewsih,

ki jingrai ba bakla, etc.

(b) Ñiuma, ki don ruh ki jingjia bakmen, kum –

Ki jingkyrkhu, ki jingkmen, ki jingjop, ki jingrakhe burom, ki jingshakri, etc.

B. Kaba don ha pyrshah ka dak – ka jingkut, ka jingkhot U Blei.

(a) Kaba beh sha khmat  –

Iaid syndah U Blei, pyrthuh bud ïa U Nongialam, shim jinghikai na ki nongiaid kiba bakla.

(b) Kaba im,  kat kum ka jingkhot kaba halor –

Ki nongshong shnong ha bneng, ka pyrthei tang ka ïingshong basa.

C. Kaba don bad ngi mynta :

(a) Ka jingpynshait bor  –

U Blei Uba iaid ryngkat bad Uba pynshait bor.

Ym don lynti ba ngim lah ban iaid haba U Blei U iaid lang.

(b) Ka jingkyrmen  kaba im –

Ka jingthaw thymmai  U Blei na ka jinglong rangli sha ka burom U Jisu Khrist Uba U Trai.

D. Kaba kut jingmut :

(a) Kaba iai-phai ia ki khmat sha ka thong   –

Wat phai sha kamon ne kadiang, tang sha ka thong kaba ka jingkhot.

Wat shah pynshoi, pynshad.

(b) Wat keiñ noh –

Wat iehnoh, duh mynsiem, ïai ieng haba kyllon, tur haduh ban ioh bat ïa ka thong. 

U Blei Un iarap. Snem thymmai ba suk.